Меркаванне: Чаму Байдэн цягнуў з сустрэчай з Ціханоўскай

• 30.07.2021, 21:26

Наяўнасць сустрэчы па-за плана ў апошні момант будзе таксама знакам.

- Гэта азначае прызнанне што партнёр Уладзімір не пераканаў у сваёй магчымасці развязаць крызіс, - піша тэлеграм-канал «Рефлексия и реакция».

Можна назваць гэта спекуляцыяй, але ж як усё сыходзіцца - сустрэча з Ціханоўскай пасля прамовы Байдэна перад сваёй разведсупольнасцю, дзе пра Пуціна асабіста было сказана паважліва, але Расея зноў успрымаецца як «ядзерная бензакалонка». Сустрэча з Ціханоўскай не была запланаванай, яе спешна вырвалі з Нью-Ёрка. Гэта асабістае рашэнне Байдэна - даць такі сігнал усім.

Хіба не мог Байдэн знайсці 10 хвілін у той момант, калі Ціханоўская была ў Вашынгтоне і не злазіла з экранаў медыя? Мог бы. Але абраў менавіта цяпер, счакаў.

Байдэн дасведчаны палітык. Прыняў рашэнне, паглядзеўшы на рэакцыю. А што здарылася з моманту пераезду Святланы Ціханоўскай у Нью-Ёрк?

Выдача Кудзіна насуперак рашэнню ЕСПЧ. Нервовая рэакцыя расейскіх афіцыйных асоб на сустрэчы Ціханоўскай. Нуль прагрэсу ў канстытуцыйным трэку ўнутры, шмат туману і слоў. Позва не перахопленая ніяк. Пра Агурбаш забыліся. Іншымі словамі, з пазіцыі маштабу Байдэна не здарылася нічога, акрамя нягеглай валтузні.

За гэты час Байдэн вырашыў пытанне з «Плынню-2» вельмі кампрамісным чынам для ўсіх. І Расея прыняла такое рашэнне, нягледзячы на неабходнасць пампаваць пэўныя аб'ёмы праз Украіну аж да 2034 года.

Сустрэчай з Ціханоўскай Байдэн яшчэ раз прадэманстраваў прэтэнзію на лідарства ў актыўным вырашэнні рэгіянальных крызісаў.

На ўнутрыпалітычную позву ў Беларусі гэтая сустрэча наўпрост і хутка не паўплывае. Але імпульс выкананню дамоўленасцей для заходніх чыноўнікаў гэтая сустрэча безумоўна надасць.

Галоўнае - псіхалогія. Адна справа - змагацца з мясцовым пратэстам ці падтрымліваць яго. Іншая справа - змагацца з вышэйшай палітычнай воляй самай уплывовай краіны ў свеце або стаць на яе бок.