У пятніцу ў Беларусі чакаецца да +27°С

• 12.08.2021, 22:26

Будзе пераважна без ападкаў.

Сіноптыкі распавялі, якім будзе надвор'е ў пятніцу і на выхадных.

Будзе пераважна без ападкаў, толькі ўначы месцамі на поўначы кароткачасовыя дажджы. Уначы і раніцай у асобных раёнах слабы туман. Вецер заходні, паўночна-заходні 3-8 метраў за секунду. Слупкі тэрмометраў уначы пакажуць 9-15 градусаў вышэй за нуль, а ўдзень паветра прагрэецца да 21-27 градусаў.

У суботу, 14 жніўня, зноў жа прагназуецца пераменная воблачнасць. Будзе ў асноўным без ападкаў, толькі ўдзень месцамі па краіне кароткачасовыя дажджы, навальніцы. У начныя і ранішнія гадзіны ў асобных раёнах слабы туман. Вецер паўднёва-заходні, паўднёвы 4-9 метраў за секунду, пры навальніцах парывы да 14 метраў. Уначы чакаецца +8... +15°С, а ўдзень тэмпературны фон будзе вагацца ў дыяпазоне ад +23°С на поўначы да +30°С на поўдні.

У нядзелю, 15 жніўня, воблачна з праясненнямі. Месцамі па тэрыторыі Беларусі пройдуць кароткачасовыя дажджы. У асобных раёнах навальніцы. Вецер паўднёва-заходні, заходні 4-9 метраў за секунду, парывы да 14 метраў у секунду. Тэмпература паветра ўначы складзе +11... +18°С, а ўдзень сіноптыкі абяцаюць ад +20°С на паўночным захадзе да +31°С на паўднёвым усходзе.