«Пачаць з простых рэчаў»: як падрыхтаваць сябе да страйку

• 21.08.2021, 12:53

Страйк - самы эфектыўны спосаб абараніць свае правы.

Тэлеграм-канал «Баста!» падзяліўся меркаваннем свайго чытача пра агульнанацыянальны страйк:

- Вядома цяжка сабе ўявіць, што заўтра ці ў панядзелак у краіне здарыцца агульнанацыянальны страйк, але да яго патрэбна рыхтаваць сябе як маральна, так і фізічна. І трэба пачаць з простых рэчаў.

Як ажыццявіць свае планы?

Пачынайце з малога. Стаўце невялікія, рэальныя і лёгка дасягальныя мэты, а пасля іх пераадолення ўскладняе задачу.

Разбівайце складаныя мэты на некалькі этапаў.

Гэта дазволіць убачыць хуткі вынік, натхніцца поспехамі і не страціць галоўную мэту.

Напрыклад. Пачніце працаваць згодна з тэхнічным працэсам. Там шмат чаго напісана і патрабуйце гэта. Належыць спецадзенне - звяртайцеся да начальства.

Належыць гарачая вада ў душавой - забяспечце.

Належыць прыстасаванне - выдайце.

Застацца пасля змены - застаньцеся, але не больш за належны паводле ТК час. Вучыцеся патрабаваць!

У гэтым няма нічога складанага. Да таго ж вы не парушаеце ніводнага закона, вам і выставіць няма чаго!

Ніводная вытворчасць не зможа працаваць паводле нарматыўных актаў, тэхпрацэсаў і іншага, што напісана на паперы, яна проста спачатку забуксуе, а потым і проста спыніцца!