Былы міністр сувязі Афганістана працуе дастаўшчыкам піцы ў Нямеччыне

• 23.08.2021, 21:18

Ва ўрадзе Афганістана ён адказваў за развіццё сеціва мабільнай сувязі для сельскага насельніцтва.

Экс-міністр сувязі і інфармацыйных тэхналогій Афганістана Саед Ахмад шат Саадат цяпер працуе кур'ерам у Нямеччыне, паведамляе партал EHA News (пераклад - zn.ua).

Саадат працуе ў службе дастаўкі Lieferando і развозіць піцу на ровары ў Лейпцыгу. Выданне Leipziger Volkszeitung піша, што з 2018 года быў афганскім міністрам пры прэзідэнце Ашраф Гані.

Летась Саадат не пагадзіўся перадаваць фінансаванне Мінсувязі на карысць дзяржаўнай стратэгіі для барацьбы з талібамі і быў вымушаны сысці ў адстаўку. Пасля гэтага ён пераехаў у Нямеччыну.