Якім будзе надвор'е на тыдні

• 23.08.2021, 21:25

Прагноз па Беларусі на 24-26 жніўня.

24 жніўня па паўднёвай палове краіны адаб'ецца ўплыў маларухомых атмасферных франтоў, на астатняй частцы тэрыторыі краіны захаваецца ўплыў вобласці павышанага атмасфернага ціску. Воблачна з праясненнямі, піша pogoda.by.

Пераважна па паўднёвай палове краіны чакаюцца дажджы, месцамі прагрымяць навальніцы. У многіх раёнах Берасцейскай і Гомельскай абласцей пройдуць моцныя дажджы. У начныя і ранішнія гадзіны ў асобных раёнах слабы туман. Вецер паўночна-ўсходні ўмераны, пры навальніцах парывісты. Тэмпература паветра ўначы +6.. +11°С, на поўдні да +13°С, удзень +14.. +20°С, месцамі да +22°С. Атмасферны ціск істотна не зменіцца.

25 жніўня ўмовы надвор'я ў асноўным будзе фармаваць поле павышанага атмасфернага ціску, у паўночна-ўсходніх рэгіёнах захаваецца ўплыў франтальнай сістэмы. Пераменная воблачнасць. Пераважна на паўднёвым усходзе краіны пройдуць кароткачасовыя дажджы, магчымы навальніцы. Уначы і раніцай у асобных раёнах Гомельскай вобласці чакаюцца моцныя дажджы. Вецер паўночны, ўдзень з пераходам на паўднёва-заходні ўмераны, пры навальніцах парывісты. Тэмпература паветра ўначы ад +3°С па поўначы да +14°С на паўднёвым усходзе краіны; удзень +14.. +19°С, месцамі да +21°С.

26 жніўня рэспубліка будзе ў вобласці паніжанага атмасфернага ціску, на захадзе краіны адаб'ецца ўплыў атмасфернага фронту, які змяшчаецца з Балтыйскага мора. Воблачна з праясненнямі. Месцамі, пераважна па захадзе і ўсходзе краіны, пройдуць кароткачасовыя дажджы. Уначы і раніцай слабы туман. Вецер паўднёва-заходні, паўднёвы ўмераны. Тэмпература паветра ўначы +5.. +12°С, месцамі да +14°С; удзень +13.. +20°С, месцамі, пераважна на паўднёвым усходзе, да +22°С.