Дэпутаты Вярхоўнай рады папрасілі Байдэна спыніць «Паўночны струмень-2»

• 29.08.2021, 20:49

Украінскія дэпутаты звярнуліся да прэзідэнта ЗША з адкрытым лістом.

Дэпутаты Вярхоўнай Рады Украіны і ўкраінскія экспэрты звярнуліся да прэзідэнта ЗША Джо Байдэна з адкрытым лістом, у якім папрасілі паўплываць на будаўніцтва газаправода «Паўночны струмень-2», ён апублікаваны на сайце «Атлантычнай рады».

«Калі «Паўночны струмень - 2» запрацуе, Украіна страціць важны чыннік стрымлівання эскалацыі расейскай агрэсіі, і ў Крамля будуць развязаныя рукі для ўдзелу ў сабатажы, тэрарызме і буйнамаштабных наступальных аперацыях супраць Украіны», - сказана ў адкрытым лісце.

Падпісанты звароту адзначылі, што іх абнадзеіла рашучасць Байдэна «быць жорсткім» ў дачыненні да Масквы і абяцанні зрабіць усё для прыпынення будаўніцтва «Паўночнага струменю-2». «Цяпер гэтыя надзеі зніклі праз пастанову вашай адміністрацыі выступіць супраць санкцый і даць зялёнае святло [заканчэнню будаўніцтва газаправода]», - сказана ў лісце.

Умовы дамовы паміж Бэрлінам і Вашынгтонам, згодна з якімі ЗША пагадзіліся не перашкаджаць будаўніцтве газавага шляху, у звароце да прэзідэнта называюцца «неадэкватнымі, расплывістымі і маюць няясныя юрыдычныя наступствы». На думку падпісантаў ліста, яны падобныя да «пустых гарантый», прадпісанага Будапешцкага мемарандуму 1994 года. У адпаведнасці з ім Украіне гарантавалася тэрытарыяльная недатыкальнасць ў абмен на добраахвотную перадачу Расеі ўсяго ядзернага запасу краіны.

У лісце таксама паведамляецца, што калі ЗША не зменяць стаўленне да будаўніцтва «Паўночнага струменю-2», салідарнасць дэмакратычнага свету будзе аслабленая, акрамя таго, гэта заахвоціць Расею ў «агрэсіўнай і смяротнай палітыцы».