Навукоўцы патлумачылі, чаму каты робяць людзей шчаслівымі

• 29.08.2021, 21:55

Фізічныя кантакты здольныя зрабіць чалавека спакайнейшым і больш шчаслівым.

Тактыльныя адчуванні вельмі важныя для чалавека, нагадала нейрафізіёлаг Хелена Баклунд Васлінг у навуковай працы, апублікаванай у выданні Dagens Nyheter. У матэрыяле яна патлумачыла, што на заспакаенне ў розных сітуацыях станоўча ўплывае гульня са свойскімі жывёлам, напрыклад, катом.

Станоўчая рэакцыя ўзнікае пасля гульні з гадаванцамі за кошт таго, што ў арганізме выдзяляецца сігнальнае рэчыва аксітацын, які таксама называюць гармонам шчасця. Таксама яна звярнула ўвагу на розніцу, якая прысутнічае паміж пагладжваннем жывёл і мяккіх цацак.

«Гэта звязана з цяплом, з дыханнем, з нейкай зваротнай рэакцыяй, якую атрымлівае чалавек. Прыемна, што нехта дазваляе сябе пагладзіць, пры гэтым паказваючы, што яму гэта падабаецца», - распавяла навукоўка.