Чэмпіён свету ў стральбе выпадкова застрэліўся на паляванні

• 10.01.2022, 21:35

Яму было 19 год.

У Італіі шматразовы чэмпіён у стэндавай стральбе сярод юніёраў Крысціян Гілі праз неасцярожнасць стрэліў у сябе на паляванні і памёр. Яму было 19 гадоў, піша Daily Mail.

Спартовец з сябрамі паляваў у лесе ў Таскане. Ён нагнуўся, каб падабраць стрэляныя гільзы і выпадкова стрэліў сабе ў жывот.

Гілі экстранна шпіталізавалі. Яму зрабілі аперацыю і паспрабавалі спыніць унутраны крывацёк. Аднак дактары не змаглі выратаваць хлопца.