Тэрарыст Гіркін-Стралкоў пацвердзіў, што знаходзіцца ва Украіне

• 18.10.2022, 21:28

ГУР вядома аб яго месцазнаходжанні.

Тэрарыст Ігар Гіркін-Стралкоў пацвердзіў, што знаходзіцца ва Украіне.

«З 14.10.2022 г. у дзейным войску», - напісаў ён на сваіх старонках у ВК і тэлеграме.

Раней аб тым, што Стралкоў-Гіркін знаходзіцца ва Украіне, паведаміў начальнік Галоўнай управы выведкі Мінабароны Украіны Кірыл Буданаў.

Украінская вайсковая выведка паабяцала ўзнагароду 100 тысяч даляраў за перадачу Гіркіна ва ўкраінскі палон. У 2014 годзе ён камандаваў «войскамі» «ДНР» і займаў пасаду «міністра абароны» самаабвешчанай рэспублікі. Стралкоў-Гіркін — адзін з чатырох абвінавачаных паводле справы аб збітым малайзійскім «боінгу» над Данбасам.