Паказаны Лукашэнкам пад выглядам беларускага кітайскі ноўтбук абяцаюць «вырабляць» у снежні

• 14.11.2022, 20:55

Будуць пераклейваць налепкі?

Стала вядома, што сэрыйны выраб кампутараў "Гарызонт" пачнецца ў снежні 2022 года. Аб гэтым заявіў генеральны дырэктар кіроўнай кампаніі холдынгу "Гарызонт" Юрый Прадко, піша БелТА.

Нагадаем, размова ідзе пра >кітайскі ноўтбук кампаніі LenovoАляксандр Лукашэнка на публічнай лекцыі. Крыху пазней была названая цана кампутара - ад 1300 рублёў.

Генеральны дырэктар прадпрыемства "Гарызонт" адзначыў, што работа вядзецца пад кантракт.

- У снежні пачынаецца сэрыйны выраб ноўтбукаў. Мы працуем пад кантракт. Цяпер фармуем партфель кантрактаў на наступны год. Налета вырабім больш за 80 мадэляў, - сказаў Прадко.

Ён дадаў, што атрымаецца практычна закрыць увесь сэгмэнт - ад эканом-класу да прэстыжных і элітных.

- Мы цалкам сёння можам і ўмеем гэта рабіць, нават гульнявыя кампутары, маніторы гульнявыя, якія патрабуюць асаблівай якасці, шпаркасці перасоўвання выявы, - падкрэсліў Прадко.

Дырэктар удакладніў, што на гэты момант снежаньскі партфель ужо сфармаваны.

- Найперш мы будзем пастаўляць у краіны СНД, улічваючы сэртыфікацыю і патрабаванні, - паведаміў Прадко.

Ён таксама выказаў упэўненасць у тым, што "беларускі" ноўтбук знойдзе свайго спажыўца.

- Ён будзе не горшы, чым тыя, што сёння прадстаўленыя. На паліцах сёння не стае кампутарнай тэхнікі, таму ён будзе замяшчаць тое, чаго не стае або не паступае. Я магу вас сапраўды запэўніць, што ён будзе адпавядаць усім сусветным сучасным стандартам. І ён адпавядае, - звярнуў увагу Прадко.

І дадаў, што кампутар уважліва агледзелі эксперты, і можна сказаць аб тым, што ён будзе адпавядаць усім патрабаванням нават самых капрызлівых спажыўцоў.

Акрамя таго, Прадко расказаў, што выпала запатэнтаваць літару "Н", якая размяшчаецца на ноўтбуку.

- Мы запатэнтавалі новы сымбаль - літару Н. Сутнасць яе - сінэргія дзвюх старон - вытворцы і спажыўца, - растлумачыў Прадко.