На ЧС у футболе ў Катары забаранілі прадаваць піва: яго аддадуць краіне-пераможцы

• 21.11.2022, 20:16

Чэмпіянат свету стартаваў учора.

Усё нерэалізаванае піва, якое забаранілі прадаваць на чэмпіянаце свету ў футболе ў Катары, уручаць краіне-пераможцы. Аб гэтым у Twitter паведаміла кампанія Budweiser, якая з'яўляецца адзінай маркай, дазволенай да продажу на аб'ектах чэмпіянату свету.

«Краіна-пераможца атрымае «Буды», - сказана ў паведамленні. Тэкст суправаджаецца фатаграфіяй з мноствам скрынак з півам.

Аб'ёмы і механізм размеркавання не ўдакладняюцца.

Чэмпіянат свету ў футболе праходзіць у Катары з 20 лістапада да 18 снежня. Раз афіцыйнай рэлігіяй там з'яўляецца іслам, у краіне забароненае выпіванне алкаголю ў грамадскіх месцах. За два дні да пачатку чэмпіянату ў Катары забаранілі продаж алкаголю на стадыёнах, яго можна прадаваць толькі ў фан-зонах.

Budweiser з 1985 году з’яўляецца адзіным півам, дазволеным да продажу на аб'ектах чэмпіянату свету. За эксклюзіўны статус AB InBev, якая валодае маркай Budweiser, плаціць па 75 млн даляраў кожныя чатыры гады.