«Расея гучна саступіла ў ёю ж распачатай энэргетычнай вайне»
- 16.12.2022, 21:38
Нягледзячы на прыход халадоў у еўрапейскі рэгіён, ніякага энэргетычнага калапсу не адбылося.
Тэлеграм-канал "Радзіма сланоў" публікуе апошнія весткі з палёў энэргетычнай вайны.
— Нягледзячы на прыход халадоў у еўрапейскі рэгіён, ніякага энэргетычнага калапсу там, на які так разлічвалі шматлікія боўдзілы, што безупынна чаўплі «зіма блізка», не здарылася, а цана газу ў Еўропе больш чым у два разы ніжэйшая за пікавыя ўзроўні жніўня. Запасы газу на 12 снежня знаходзіліся на вельмі высокім для гэтага перыяду ўзроўні 86,6%.
За апошні тыдзень Францыя вярнула ў эксплуатацыю пяць ядзерных рэактараў, што разам з захадамі ашчады электраэнэргіі, якія ацэньваюцца на 10% да леташняга ўзроўню спажывання, дазволіла ўнікнуць неабходнасці звяртацца да планавых адлучэнняў электраэнэргіі ў краіне, што таксама магло закрануць і Вялікую Брытанію, якая імпартуе электраэнэргію з Францыі.
За апошнія тыдні Францыя верне ў эксплуатацыю яшчэ чатыры ядзерныя рэактары. Такім чынам Еўропа здолела перажыць самы складаны перавод з пункту гледжання дзейнасці энэргетычных сістэм, і сітуацыя там будзе паляпшацца.
На працягу студзеня ў Нямеччыне будуць уведзеныя ў эксплуатацыю адразу тры плывучыя тэрміналы для прымання звадкаванага прыроднага газу (ЗПГ), што таксама мае павялічыць запас трываласці энэргетычнай сістэмы рэгіёну ў самы халодны зімовы месяц. Улічваючы, што Freeport LNG, другі памерам экспартны тэрмінал ЗПГ у ЗША, па-ранейшаму чакае свайго старту ў канцы снежня - пачатку студзеня, то аб'ёмы прапановы газу ў Еўропе маюць істотна павялічыцца ўжо на пачатку наступнага года.
У лютым сітуацыя ў Еўропе будзе далей паляпшацца - на гэты ветраны месяц прыпадае пік выпрацоўкі ветранай электраэнэргіі ў Нямеччыне, дзякуючы чаму націск на газавыя электрастанцыі можа істотна знізіцца, як і кошт электраэнэргіі. Таксама ў лютым чакаецца паўторны старт магутнага 1,6 ГВт, новага ядзернага энэргаблока ў Фінляндыі.
Калі зіма ў рэгіёне захаваецца сярэдняй, а вясна надыдзе ў адпаведнасці з кліматычнай нормай або, калі пашанцуе, раней, то запасы газу ў рэгіёне на канец ацяпляльнага сэзона могуць быць паблізу ўзроўню 50%. З улікам зніжэння сусветнага попыту на энэрганосьбіты з прычыны ўзмацнення жорсткасці манетарнай палітыкі ФРС і ЕЦБ, росту прапановы ЗПГ у свеце і істотнага павелічэння магутнасцей яго прымання ў Еўропе, налетам можна чакаць адчувальнага зніжэння сусветнай цаны газу.
Стабілізацыя сітуацыі з энэргетычным крызісам у Еўропе ўжо спрыяла прыкметнаму ўзмацненню жорсткасці пазіцыі заходнееўрапейскіх палітыкаў у дачыненні да Расеі і росту вайсковай падтрымкі Украіны.
Калі на пачатку наступнага года сітуацыя будзе развівацца паводле апісанага вышэй сцэнару, то еўрапейскія палітыкі лёгка змогуць прадаць выбаршчыкам свае дзеянні ў падтрымцы Украіны як абсалютна правільныя і абгрунтаваныя, што дазволіла як абараніць дэмакратычныя еўрапейскія вартасці, так і дастаткова хутка забяспечыць перамогу ў энэргетычнай вайне з Расеяй.
Дзякуючы гэтаму Еўропа зможа істотна нарасціць аб'ёмы вайсковай дапамогі Украіне не зважаючы на магчымую незадаволенасць сваіх грамадзян, бо яно будзе выключна маргінальным.
Такім чынам, паступае ўсё больш і больш пацвярджэнняў таго, што Расея гучна саступіла ёю ж распачатую энэргетычную вайну, перамога ў якой была ці не ключавой надзеяй на схіленне Еўропы да капітуляцыі пасля краху бліцкрыгу ва Украіне.
P.S. Між тым цана газу ў Еўропе зніжаецца больш як на 11%, дасягнуўшы мінімальнага ўзроўню з канца лістапада.
Яшчэ ў жніўні Мядзведзеў абяцаў Еўропе ўзімку цану вышэйшую за $4 тысячы, у той час як цяпер яна складае $1,3 тысячы, а ўжо ў студзені з вялікай імавернасцю знізіцца ніжэй за $1 тысячу. Стратэгі...