Тэлеграм-каналы: Лукашэнка паабяцаў адкрыць мяжу для новай інтэрвенцыі расейскіх войскаў ва Украіну

• 21.12.2022, 10:21

Сталі вядомыя некаторыя дэталі перамоваў у Менску.

Лукашэнка пагадзіўся «прапусціць» расейскае войска яшчэ раз у 2023 годзе.

Сталі вядомыя некаторыя з важных дэталяў перамоваў у Менску, піша тэлеграм-канал «Беларуская выведка».

Лукашэнка пацвердзіў, што абавязуецца яшчэ раз прапусціць войскі РФ праз мяжу Беларусі (калі гэта спатрэбіцца). Таксама ён узяў на сябе абавязак падаць усю вайсковую і цывільную інфраструктуру дзяржавы для забеспячэння войска РФ і забеспячэння ўсіх тылавых і лагістычных мерапрыемстваў.

Крыніцы паведамілі, што гандаль быў гарачым і бакі раз'язджаліся з лёгкім «асадкам».

Вынік: Лукашэнка даў абяцанне яшчэ раз адкрыць мяжу для магчымай інтэрвенцыі расейцаў ва Украіну з тэрыторыі Беларусі.