Яраш: Лукашэнка - гэта блазан, які ніколі не бачыў, што такое вайна

• 9.02.2022, 23:59

Украіна здольная адбіць кожны напад РФ, у тым ліку марыянетачныя войскі Лукашэнкі.

Уладзімір Пуцін сцягвае войскі да мяжы Украіны і палохае поўнамаштабным наступам. Аднак украінскае войска абсалютна рэальна зможа яго адбіць, нават з марыянеткавымі войскамі Аляксандра Лукашэнкі.

Пра гэта ў праграме "Першыя асобы" на "24 канале" расказаў камандзір Украінскага добраахвотніцкага войска Дзмітрый Яраш. Цяпер Узброеныя Сілы Украіны гатовыя да шырокамаштабнага наступу Расеі значна лепш, чым гэта было раней.

Са слоў Яраша, вельмі важна, каб да супрацьстаяння агрэсіі было гатовае ўкраінскае грамадства і найперш палітычнае кіраўніцтва краіны. Калі такая гатоўнасць будзе і не ўзнікне дэстабілізацыйных чыннікаў, якія могуць расхістаць гэтае адзінства, то адбіць напад цалкам магчыма.

- Мы здольныя адбіць усялякі напад Расеі, уключаючы марыянетачныя войскі Лукашэнкі, - заявіў камандзір Украінскага добраахвотніцкага войска.

Як дадаў Яраш, Пуціну і Лукашэнку не варта страчваць пільнасць, бо калі вайну будуць весці на тэрыторыі Украіны, то яна перакінецца ў Расею і Беларусь.

У той жа час палітык Уладзімір Жырыноўскі заявіў, што Расея можа знішчыць украінскае войска за 30 хвілін. Аляксандр Лукашэнка ж верыць, што поўнамаштабная вайна Крамля з Украінай працягнулася б 3 - 4 дні. Яраш такія меркаванні паслугачоў Пуціна зняпраўдзіў.

- Тое, што прамаўляюць блазны, каментаваць звычайна не трэба. Жырыноўскі, Лукашэнка і іншыя - гэта рэальна блазны, якія ніколі не бачылі, што такое вайна, ніколі на ёй не былі і кажуць усялякую лухту, - падкрэсліў экс-народны дэпутат.

Са слоў Яраша, гатоўнасць украінскага войска даць адпор залежыць, ад прызначэнняў летам 2021 года. Баявыя генералы сталі генераламі ў нашай вайне.

"Яны вельмі эфектыўныя ў тым, што робяць, і разумеюць, як павінны развівацца Узброеныя сілы і што трэба рабіць для адбіцця агрэсіі на розных кірунках", - падкрэсліў Яраш.