Літва перадасць Украіне дадатковую партыю ўзбраення

• 30.05.2022, 21:54

Што патрапіць у пакет дапамогі.

Новую партыю зброі ў дадатак да анансаванай раней бронетэхнікі і аўтамабіляў адправяць Узброеным сілам Украіны літоўскія ўлады.

Пра гэта заявіў міністр абароны Арвідас Анушаўскас, паведамляе РБК-Украина са спасылкай на афіцыйны Twitter чыноўніка.

Урад Літвы не мае намеру спыняцца ў вайскова-тэхнічнай дапамозе Украіне. Узброеныя сілы атрымаюць антыдроны, цеплавізар і ўдарны беспілотнік.

«Неўзабаве Літва перадасць Украіне не толькі абяцаную бронетэхніку, грузавікі і пазадарожнікі, але таксама новую партыю антыдронаў і цеплавізар. І, вядома, «Байрактар», які набудуць на сабраныя літоўцамі грошы», - напісаў кіраўнік Міністэрства абароны.