У Карэліі пахавалі зняволенага, які загінуў ва Украіне
- 26.08.2022, 21:49
Яму заставалася сядзець яшчэ восем гадоў, але ён пагадзіўся адправіцца на вайну.
У Петразаводску прайшло пахаванне 44-гадовага зняволенага Яўгена Яроменкі, якога завербавалі для ўдзелу ў вайне ва Украіне. Пра гэта «Медиазоне» расказалі маці загінулага Таццяна Кацянёва і яе сяброўка Марына Гарадзілава.
У 2020 годзе Яроменку прысудзілі да 10 гадоў пазбаўлення волі паводле справы аб вымагальніцтве ў асабліва вялікай суме. Ён адбываў пакаранне ў петразаводскай папраўчай калоніі строгага рэжыму №9.
У канцы траўня Яроменка перастаў тэлефанаваць маці з калоніі, хаця звычайна звязваўся з ёй кожны тыдзень. 14 чэрвеня ён выйшаў на сувязь, нечакана паведаміўшы, што яго часова этапуюць у іншы рэгіён. Яроменка не сказаў маці, што едзе ва Украіну, бо ведаў, што яна будзе супраць, мяркуе Кацянёва.
“Я б, напэўна, усё падняла - істэрыку, усё вось гэта, каб гэта не дапусціць. Пабегла б і лягла косткамі ў калонію. Але я не магла б яму ў галаву ўлезці... Ён дарослы мужчына. Ён толькі казаў: «Мама, не хвалюйся. Што раблю - так трэба”, - распавяла пенсіянерка.
Паводле ейных слоў, праз тыдзень пасля размовы Яроменка даслаў СМС-паведамленне сябру, у якім папрасіў яго паведаміць маці, што з ім усё добра. Ён таксама расказаў, сцвярджае жанчына, што зняволеныя ўсё яшчэ едуць у цягніку, дзе ў іх “адабралі нават гадзіннік".
14 жніўня да Кацянёвай прыйшлі двое мужчын і заявілі, што яны "ад Жэні". Іх імёны ў матэрыяле "Медыязоны" не пазначаны, маці загінулага зняволенага назвала іх "маладымі людзьмі". Яны не сказалі ёй, кім працуюць. “Маладыя людзі” паведамілі Кацянёвай, што яе сын загінуў, перадалі ёй узнагароду Яроменку і пасведчанне аб яго смерці, выдадзенае ў самаабвешчанай “ЛНР”.
У дакуменце, паводле слоў Кацянёвай, гаворыцца, што Яроменка загінуў 24 ліпеня ў Бахмуце Данецкай вобласці. Гэты горад знаходзіцца пад кантролем Украіны, усё лета за яго ідуць баі.
“Маладыя людзі” таксама распавялі, што цела загінулага «ў жалезнай труне ў Ленінградзе, у Пулкавк». На дадатковыя пытанні яны адказвалі, што "ўсё засакрэчана".
18 жніўня цела Яроменкі прывёз у Петразаводск прыватны кіроўца, якому Кацянёва заплаціла 26 тысяч рублёў. Пахаванне адбылося на наступны дзень, распавяла сяброўка маці зняволенага Марына Гарадзілава. На развітанні яна заўважыла "двух дзіўных хлопцаў", якія заявілі, што яны ведалі загінулага.
Паводле ейных слоў, на наступны дзень пасля пахаванняў Кацянёва зноў сустрэлася з "маладымі людзьмі", а праз некалькі дзён расказала, што ёй кампенсавалі 145 тысяч рублёў за пахаванне.
Ва ўправе ФСВП Карэліі не адказалі на запыт журналістаў, як Яўген Яроменка апынуўся на вайне ва Украіне за восем гадоў да заканчэння тэрміну зняволення.
Як мяркуе “Медыязона”, Яроменка быў завербаваны ПВК Вагнера і трапіў ва Украіну разам з наймітамі. Пра тое, што ў расейскіх калоніях набіраюць зняволеных для ўдзелу ў вайне, у тым ліку ў складзе ПВК, СМІ пішуць з ліпеня. У некаторыя калоніі, як паведамлялася, асабіста прыязджаў Яўген Прыгожын - пецярбуржскі бізнэсовец, якога звязваюць з ПВК Вагнера.
У ВК-9 Петразаводска, дзе адбываў пакаранне Яроменка, таксама прыязджалі вярбоўшчыкі. Пра гэта “Медыязоне” распавялі адзін з асуджаных і мясцовы адвакат Іван Варфаламееў, які прадстаўляе інтарэсы дзесяці зняволеных з ПК-9. Юрыст дапусціў, што вярбоўшчыкі маглі быць з ПВК Вагнера.
У канцы ліпеня «Важныя гісторыі» паведамілі, што ў Данбасе загінулі не менш за тры зняволеных пецярбуржскай ПК-7 “Ябланеўка”, завербаваныя ПВК Вагнера. Яшчэ двое асуджаных з гэтай калоніі атрымалі раненні і былі шпіталізаваныя ў Луганску. Пры гэтым у іх медыцынскіх дакументах указаны не імёны, а мянушкі.
Менскі метрапалітэн папярэдзіў аб пераходзе на асенне-зімовы графік
Апублікаваны інтэрвал цягнікоў.
У сувязі з сезоннай зменай пасажыраплыні з 29 жніўня на восеньска-зімовы перыяд уносяцца змены ў расклад руху цягнікоў 1-й і 2-й ліній метрапалітэна, паведамляе тэлеграм-канал "Мінскі метрапалітэн".
Інтэрвал руху ў ранішнюю гадзіну-пік складзе дзве хвіліны. У вечаровую гадзіну-пік інтэрвал складзе дзве з паловай хвіліны.