УСУ сарвалі атаку расейцаў на Бахмуцкім кірунку
- 21.01.2023, 18:44
Вораг пацярпеў паразу і адышоў са стратамі.
Украінскія памежнікі адбілі штурм расейскіх акупантаў на Бахмуцкім кірунку.
Пра гэта паведамляецца ў Telegram-канале Дзяржаўнай памежнай службы Украіны.
«Памежнікі абясшкодзілі 26 акупантаў на Бахмуцкім кірунку», - гаворыцца ў паведамленні.
Расейскія акупанты паспрабавалі прарваць мяжу абароны, якую ўтрымлівае адно з падраздзяленняў Дзяржаўнай памежнай службы.
«Памежнікі вытрымалі ўдар і агнём са стралковай зброі і гранатамётаў спынілі прасоўванне штурмавікоў», - гаворыцца ў паведамленні.
З дапамогай артылерыі і мінамётаў абаронцы Украіны вялі бой з пяхотай супраціўніка.
«Вораг пацярпеў паразу і адышоў са стратамі: 9 забітых, і прыблізна 17 параненых», - сказана ў паведамленні.
Як раней паведамляў сайт Charter97.org, пад Бахмутам украінскія памежнікі збілі два расейскія беспілотнікі.