Свитан: Авдеевка стала для россиян «Бахмутом-2»

• 16.10.2023, 21:18

Палкоўнік УСУ прааналізаваў сітуацыю на фронце ва Украіне.

Расейцы накіравалі значныя сілы на штурм горада Аўдзееўка Данецкай вобласці. Вораг спрабуе ўзяць горад у кольца. Адпаведную інфармацыю ў эфіры «24 Канала» пракаментаваў ваенны эксперт, лётчык-інструктар і палкоўнік УСУ ў запасе Раман Світан.

Паводле ягоных словаў, агульнае паміж Аўдзееўкай і Бахмутам толькі ў колькасці расейскіх стратаў – там ужо тысячы забітых, якія спрабавалі ўдарыцца аб аўдзееўскі гарнізон. Таксама знішчаныя сотні адзінак тэхнікі, танкаў, браняваных машынаў, комплексаў артылерыі і ЗРК.

– Можна сказаць, што для іх гэта «Бахмут-2», але толькі ў стратах, – падкрэсліў Раман Світан.

«За 10 гадоў колькасць сілаў і сродкаў, якія расейцы кідалі на знішчэнне нашага гарнізона ў Аўдзееўцы, была ў разы большай», – расказаў ваенны эксперт.

Цяпер там вораг спрабуе выканаць палітычную задачу, бо ваенная задача – невыканальная.

Ліквідацыя гелікаптэра Мі-8

Раман Світан растлумачыў, што Мі-8 – гэта транспартавальнік, аднак часам яго выкарыстоўваюць як баявы гелікаптэр.

Ён ляціць на нізкай вышыні і, хутчэй за ўсё, ЗРК яго не кране. Пераважна іх зносяць з дапамогай ПЗРК.

– Нашы групы ССА і выведкі бяруць з сабой пераважна Stinger, заходзяць у глыбіню тэрыторыі ворага – 5 – 7 – 15 кіламетраў і на перахопе «здымаюць» расейскія гелікаптэры. Супрацьдзейнічаць гэтаму практычна немагчыма, – растлумачыў ваенны эксперт.

Арэнда комплексаў СПА

На думку Світана, гэта правільна. Бо, напрыклад, у Польшчы стаіць комплекс – украінцы могуць папрасіць у іх у арэнду і перакінуць на захад Украіны. Нават ледзь не да цэнтра краіны іх дацягнуць.

– З аднаго боку, яны будуць выконваць задачу прыкрыцця Польшчы з усходу, а таксама прыкрыццё нашых абласцей, – адзначыў ваенны эксперт.

Да гэтых комплексаў расейскія сродкі паразы франтавога ўзроўню – не дастануць. Гэта каля лініі фронту яны маюць рызыку ўдару і беспілотніка або канкрэтных супрацьрадыёлакацыйных ракетаў з далёкасцю да 150 кіламетраў.