Названыя аўтамабілі з самымі ёмістымі багажнікамі ў сваім класе

• 16.10.2023, 21:23

У рэйтынг патрапілі сем мадэляў.

Брытанскія эксперты вызначылі аўтамабілі з самымі ёмістымі багажнікамі на рынку. Мадэлі падзялілі на сегменты, у якія яны ўваходзяць. Рэйтынг апублікавалі на сайце Motor1, паведамляе «Фокус».

Аб'ём багажніка для многіх аўтамабілістаў з'яўляецца важным чыннікам пры выбары аўто. У Еўропе даступна мноства ёмістых мадэляў, якія дазваляюць перавозіць вялікую колькасць рэчаў.

Эксперты вылучылі 7 мадэляў у розных сегментах. Сярод іх ёсць хэтчбэкі, красовер і ўніверсалы.

Сегмент A – Kia Picanto

Аб'ём багажніка Kia Picanto складае 255 літраў. Гэта даволі нядрэнны паказнік для мадэлі даўжынёй усяго 3595 мм.

Сегмент B – Dacia Sandero

Бюджэтны хэтчбэк Dacia Sandero прапануе не толькі практычны інтэр'ер, але і ёмісты багажнік абёмам 410 літраў. Складзіце задні шэраг сядзенняў і вы зможаце змясціць унутр доўгія прадметы.

Гарадскі красовер – Dacia Duster

Dacia Duster уваходзіць у сегмент гарадскіх красовераў і даступны паводле бюджэтнага кошту. Тым не менш аб'ём багажніка складае 478 літраў, што з'яўляецца адным з найлепшых паказнікаў у сваім класе.

Сегмент C – Opel Astra

Opel Astra застаецца адным з самых універсальных аўтамабіляў у сваім класе. Аб'ём багажніка мадэлі складае 422 літры.

Кампактны красовер Volkswagen Tiguan

Volkswagen Tiguan мае практычны інтэр'ер і ёмісты багажнік. Унутры можна перавозіць груз аб'ёмам да 615 літраў.

Сегмент D – Skoda Octavia Combi

Ліфтбэк Skoda Octavia валодае ёмістым багажнікам, але ўніверсал Combo прапануе яшчэ больш багажнай прасторы. Аб'ём багажніка мадэлі складае 640 літраў.

Сярэднепамерны красовер Tesla Model Y

Tesla Model Y з'яўляецца адзіным электрамабілем у рэйтынгу. Таксама мадэль мае задні багажнік абёмам 600 літраў. Калі гэтага недастаткова, наперадзе ёсць яшчэ адзін невялікі багажнік.