У ЦАХАЛ ваююць сваякі 19 ізраільскіх міністраў

• 18.11.2023, 21:46

У тым ліку – Нетаньяху.

У складзе Войска абароны Ізраіля (ЦАХАЛ), якое праводзіць ваенную аперацыю супраць палестынскай тэрарыстычнай арганізацыі ХАМАС, знаходзяцца блізкія сваякі прэм'ер-міністра Ізраіля Біньяміна Нетаньяху і 18 іншых чальцоў ураду. Пра гэта 16 лістапада паведаміла выданне Ynet.

Паводле ягоных звестак, у войска пасля пачатку вайны з ХАМАС 7 кастрычніка ў войска прызвалі малодшага сына Нетаньяху, 29-гадовага Аўнера.

Таксама ёсць інфармацыя, што ў сектары Газа ваюе адзін з трох сыноў прэзідэнта Ізраіля Іцхака Герцага.

Акрамя таго, піша Ynet, у Цахал знаходзяцца двое дзяцей міністра абароны Ізраіля Ёава Галанта.

Таксама ў войска выправіліся сем сваякоў міністра без партфеля Бені Ганца, 21 сваяк міністра без партфеля Ехіэля Тропера, двое сваякоў міністра без партфеля Гадзі Айзенката, сын міністра сацыяльнага забеспячэння Яакава Марджы, старэйшая дачка міністра транспарту Міры Ранікі, Рэгеў, дачка, браты і пляменнікі міністра эканомікі Ніра Барката.

Акрамя таго, выданне згадвае пра ўваход у склад ЦАХАЛ сваякоў міністра аліі і інтэграцыі Афіра Софера, міністра навукі, інавацый і тэхналогій Афіра Акуніса, міністра сельскай гаспадаркі Аві Дыхтэра, міністра адукацыі Ёава Кіша, міністра стратэгічнага планавання Рона Дэрмера, міністра нацбяспекі Ітамара Бэн-Гвіра, міністра ў справах паселішчаў Арыт Струк, міністра працы Ёава Бэн-Цура (адзін са сваякоў атрымаў раненні), міністра без партфеля Іфата Шашы-Бітона і міністра юстыцыі Ярыва Левіна.