Украінскія памежнікі знішчылі склад боепрыпасаў і двух акупантаў пад Бахмутам

• 19.06.2023, 21:18

Відэа.

Украінскія абаронцы знайшлі пад Бахмутам варожы палявы склад боепрыпасаў. Яго атрымалася знішчыць ударам з артылерыі.

Пра гэта паведамляе Дзяржаўная памежная служба Украіны.

«Агнём і выбухамі памежнікі знішчаюць лагістыку захопнікаў пад Бахмутам», – гаворыцца ў паведамленні.

Адзначаецца, што аэравыведка выявіла, а мінамётчыкі здзейснілі агнявы налёт на палявы склад, дзе акупанты назапашвалі боекамплект. Адна з артылерыйскіх мінаў патрапіла ў хованку-склад, выклікаўшы выбух.

«У выніку знішчаны склад, фартыфікацыйнае збудаванне і два акупанты», – дадалі ў ДПСУ.