Лукашэнка зняў з пасады кіраўніка «Белкаапсаюза»

• 28.07.2023, 21:14

Алег Мацкевіч кіраваў ім з кастрычніка 2021 года.

Алег Мацкевіч 28 ліпеня быў вызвалены ад пасады старшыні праўлення Беларускага рэспубліканскага саюза спажывецкіх таварыстваў.

Адпаведны ўказ 28 ліпеня падпісаў Лукашэнка.

"Белкаапсаюзам" Мацкевіч кіраваў з кастрычніка 2021 года.

Раней Алег Мацкевіч займаў пасаду намесніка старшыні Віцебскага аблвыканкама. Да таго, як заняць гэтую пасаду, ён служыў у Камітэце дзяржаўнага кантролю.