У Беларусі выпусцілі карысныя глазураваныя сыркі

• 10.10.2024, 20:49

Без цукру і з вітамінамі.

Пад беларускім брэндам «Менская марка» выйшла навінка – глазураваныя сыркі без дадання цукру. Вытворца піша, што яны карысныя і з вітамінамі, заўважыў CityDog.io..

У навінкі два смакі – «Манга-апельсін-імбір» і «Чарніцы-ажыны», а яшчэ глазура з белага шакаладу. Замест цукру ў глазуру сыркоў дададзены натуральны заменнік мальтыт, у яго нізкая каларыйнасць.

Таксама вытворца сцвярджае, што ў сырках з напаўняльнікам «Манга-апельсін-імбір» ёсць вітаміны групаў А, В, С, Е, мікраэлементы магній, кальцый, жалеза і цынк.