Украінскі памежнік з першага стрэлу ліквідаваў расейскага афіцэра

• 7.02.2024, 22:21

Украінец паўдня праляжаў у засадзе.

Украінскі памежнік з пазыўным Прыгожы 11 гадзін праляжаў у засадзе, каб ліквідаваць расейскага афіцэра.

Пра гэта паведамляе Дзяржпагранслужба Украіны, апублікаваўшы відэа.

Псеўданім Прыгожы ўкраінскі баец атрымаў у першы дзень у Дзяржаўнай памежнай службе, і з ім ён ужо больш за 20 месяцаў.

Сваё майстэрства і баявы досвед памежнік набываў на баявых пазіцыях пад Мар'інкай, Пяскамі, Ліманам.

“Панічныя настроі ворага адчуваліся ў радыёперахопе, дзе ў перамешцы з нецэнзуршчынай гучала: “усім у сховішча, працуе снайпер”, - гаворыцца ў паведамленні.

Працаваў памежнік па варожых кулямётчыках, сувязістах, аднак даўжэй за ўсё давялося адсочваць расейскага афіцэра. У расейскіх акупантаў тады была ратацыя і Прыгожаму трэба было вызначыць, хто з іх камандзір.

“Пасля 11 гадзін назірання мне ўдалося з першага стрэлу трапіць у цэль”, — кажа баец.

Усяго ў арсенале памежніка дзве вінтоўкі. Першая - айчынная UAR-10, больш прызначаная для знішчэння жывой сілы супраціўніка. Другая – амерыканскай вытворчасці Desert Tech HTI, больш прызначаная для працы па браняванай і лёгкабраніраванай варожай тэхніцы.

Сваю працу снайпер уважае за важную і заяўляе, што будзе займацца ліквідацыяй акупантаў, пакуль тыя будуць на ўкраінскай зямлі.