Украіна стала сусветным драйверам у выкарыстанні баявых марскіх беспілотнікаў

• 21.03.2024, 16:55

Расейцы не былі да гэтага гатовыя.

Украіна стала сусветным драйверам у выкарыстанні беспілотных баявых марскіх сістэм. Аб гэтым сёння, 21 сакавіка, у эфіры тэлеканала FREEДОМ заявіў спікер Вайскова-марскіх сіл Узброеных сіл Украіны Дзмітрый Плецянчук.

- Беспілотныя сістэмы з'яўляюцца адным з тыпаў узбраенняў. Яны не могуць, канешне, урэгуляваць усе праблемы. Але цяпер мы бачым іх высокую эфектыўнасць. Так, расейцы не былі да гэтага гатовыя. І так, Украіна з'яўляецца зараз сусветным драйверам ва ўжыванні беспілотных баявых марскіх сістэм. Гэта факт”, - сказаў ён.

У той жа час спікер падкрэсліў, што існуюць задачы, якія беспілотнікі не змогуць выканаць.

- Вы не размясціце на ім паўнавартаснае СПА, вы не размясціце на ім супрацькарабельныя ракеты, тыя ж самыя сродкі размінавання, радыёлакацыі. Гэта значыць, як ударны інструмент - так, вядома. Але ў кожным выпадку шлях у нас адзін - гэта стварэнне паўнавартасных Вайскова-марскіх сіл. Таму што суправаджэнне цывільных суднаў, бо гарантаванне бяспекі акваторыі - гэта ўсё адно задачы, якія будуць ляжаць на плячах вайсковых маракоў і вайсковых караблёў, - сказаў Плецянчук.

Ён дадаў таксама, што расейцы дастаткова сур'ёзна падыходзяць да пытанняў пошуку развязанняў па процідзеянні марскім дронам.

- Тое, што працавала ўчора, сёння ўжо не працуе. І вораг робіць высновы, ён вучыцца, ён імкнецца знайсці спосаб перашкаджаць нашым тактычным развязанням. Таму гэта такая перманентная барацьба. І таму яны зараз акурат з усімі гэтымі кейсамі апошнімі, якія яны мелі, спрабуюць знайсці новае развязанне. Што тычыцца, у прынцыпе, гэтых безэкіпажных сістэм, то цяпер гэта асноўны інструмент менавіта для нанясення паражэння, - сказаў Плецянчук.