Грэцыя выправіць Украіне буйную партыю боепрыпасаў

• 1.04.2024, 21:52

Іх перададуць праз Чэхію.

Грэцыя плануе паставіць Украіне буйную партыю боепрыпасаў, паведамляе iEidiseis. Папярэдне іх перададуць праз Чэхію.

У матэрыяле гаворыцца, што на гэты момант урад дамагаецца ўхвалення парламенцкага камітэта ў гэтым пытанні.

Паводле інфармацыі журналістаў, боепрыпасы будуць паступаць з запасаў грэцкага войска. Узброеныя сілы Грэцыі ацанілі іх як «прыдатныя да выкарыстання».

Грэцыя плануе іх прадаць за 150 млн еўраў. Вайскоўцы таксама паведамілі, што сярод выстаўленых на продаж боепрыпасаў ёсць і тыя, якія да гэтага часу выкарыстоўваліся на вучэннях.