Найбуйнейшая гідраэлектрастанцыя Украіны знаходзіцца ў крытычным стане

• 1.06.2024, 21:45

Пасля ракетнага нападу РФ па Запарожжы.

ДняпроГЭС знаходзіцца ў крытычным стане пасля ракетнага нападу Расейскай Федэрацыі па Запарожжы ў ноч на 1 чэрвеня.

Пра гэта паведамляе РБК-Украіна са спасылкай на заяву кіраўніка Запарожскай АУС Івана Фёдарава ў эфіры тэлемарафона.

- Цяпер у крытычным стане знаходзіцца ДняпроГЭС, размова не ідзе нават аб выпрацоўцы электраэнэргіі, перакрыты поўнасцю рух з левага берага на правы, таму жыхары абмежаваны ў трафіку. Сёння для аб'езду выкарыстоўваецца два масты на якіх наладжана лагістыка ў абодва бакі. Выходныя пакуль будзем так, – сказаў Фёдараў.

Кіраўнік Запарожскай АВА адзначыў, што аднавіць рух па плаціне адразу не ўдалося.

- Будзем кансультавацца са спецыялістамі, інжынерамі, праекціроўшчыкамі, спецыялістамі дадаткова для таго, каб калі адкрываць рух па ДняпроГЭС, то каб ён быў бяспечным. Я спадзяюся, што ў найбліжэйшыя дні мы зможам дакладна даць адказ жыхарам Запарожжа што да лагістыкі праз плаціну, – адзначыў ён.