Reuters: Італія дашле Украіне другую сістэму СПА SAMP/T

• 3.06.2024, 21:10

Гэта адзіная еўрапейская сістэма, якая збівае балістычныя ракеты.

Італія, верагодна, выправіць другую сістэму супрацьпаветранай абароны SAMP/T ва Украіну. Пра гэта Reuters паведаміла крыніца, блізкая да пытання.

Выданне дадае, што гэтая сістэма таксама вядома як MAMBA. Яна франка-італьянскай вытворчасці і можа адсочваць дзясяткі цэляў і перахопліваць 10 адначасова. Гэта адзіная сістэма СПА еўрапейскай вытворчасці, якая збівае балістычныя ракеты.

Нагадаем, Украіна атрымала першую сістэму СПА SAMP/T у 2023 годзе. Яе прызначэнне – абарона поля бою і такіх важных аб'ектаў, як аэрапорты і марскія парты. Ёю збіваюць крылатыя і тактычныя балістычныя ракеты, пілатаваныя і беспілотныя лётныя апараты.