Лакальныя атакі: экспэрт спрагназаваў кірункі будучага наступу УСУ

• 23.08.2024, 20:34

Расейцам вельмі складана абараняць Крым.

Ваенны экспэрт, лётчык-інструктар і палкоўнік УСУ ў запасе Раман Світан распавёў «24 Каналу», што на ўсе падзеі на тэрыторыі ўкраінскай дзяржавы можна глядзець з рознага ракурсу.

На ягоную думку, у Сіл абароны Украіны ёсць шмат кірункаў, якімі можна рухацца не маштабуючы атакі, аднак выконваючы сур'ёзныя наступальныя дзеянні.

Раман Світан адзначыў, што для Украіны Крым застаецца важнай мэтай. Расейцам вельмі складана абараняць паўвыспу.

- Калі падысці да Армянска, то можна, прыкрываючыся на правым флангу Чорным морам, а на левым - лініяй фронту, выйсці на Крым, каб знішчаць расейскія вайсковыя аб'екты там. Гэта не маштабная атака, а контрнаступленне стратэгічнага ўзроўню, што можа прывесці да сур'ёзных наступстваў для расейскага войска, - сказаў ён.

Палкоўнік УСУ ў запасе адзначыў, што без Крыма акупантам не патрэбны Данбас або наземны калідор там.

На тэрыторыі Украіны лінія фронту дасягае больш за тысячу кіламетраў. Са слоў ваеннага экспэрта, ні ва УСУ, ні ў расейцаў няма дастатковай колькасці сіл і сродкаў, каб на ўсёй гэтай тэрыторыі праводзіць маштабныя наступальныя дзеянні.

- А вось лакальныя атакі Сіл абароны на Курскім кірунку змогуць развязаць стратэгічную задачу дэакупацыі ўсёй Украіны, - выказаў меркаванне Світан.