ХАМАС пацвердзіў завяршэнне вайны з Ізраілем

• 10.10.2025, 2:00

9 кастрычніка Ізраіль і ХАМАС падпісалі першую частку мірнага плана.

ХАМАС пацвердзіў завяршэнне вайны і пачатак пастаяннага перамір'я з Ізраілем. Пра гэта паведаміў тэлеканал Al Jazeera са спасылкай на заяву лідара ХАМАС.

Кіраўнік перамоўнай групы з боку ХАМАС Халіль аль-Хайя падкрэсліў, што атрымаў гарантыі ад ЗША і іншых пасярэднікаў у ўрэгуляванні канфлікту з Ізраілем.

Акрамя таго, Аль-Хайя ўдакладніў, што ў межах здзелкі будуць вызваленыя 250 палестынцаў, асуджаных Ізраілем да пажыццёвага зняволення, а таксама яшчэ каля 1700 палестынцаў, затрыманых з пачатку вайны 7 кастрычніка 2023 года.

9 кастрычніка Ізраіль і ХАМАС падпісалі першую частку мірнага плана, прапанаванага амерыканскім кіраўніком Дональдам Трампам.