Мерц правёў тэлефонную размову з Трампам

• 21.11.2025, 22:36

Што абмяркоўвалі.

Канцлер Германіі Фрыдрых Мерц у пятніцу правёў тэлефонную размову з прэзідэнтам ЗША Дональдам Трампам.

Пра гэта ён напісаў у X.

Мерц расказаў, што «абмеркаваў план міру для Украіны з прэзідэнтам ЗША Дональдам Трампам падчас канструктыўнай і канфідэнцыйнай тэлефоннай размовы».

«Мы дамовіліся пра наступныя крокі на ўзроўні саветнікаў. Цяпер я праінфармую пра гэта еўрапейскіх партнёраў», – дадаў ён.

Кіраўнікі дзяржаў Еўрапейскага Саюза, якія ўдзельнічаюць у саміце «Групы дваццаці» ў Паўднёва-Афрыканскай Рэспубліцы, правядуць асобную сустрэчу ў суботу з нагоды вайны ва Украіне.