Зяленскі адказаў на пост Трампа

• 23.11.2025, 21:42

Украіна заўсёды была ўдзячная ЗША.

Прэзідэнт Уладзімір Зяленскі у нядзелю паведаміў пра тэлефонную размову з французскім візаві Эманюэлем Макронам, прысвечаную абмеркаванню мірнай ініцыятывы ЗША.

Пра гэта Зяленскі напісаў у X.

Зяленскі сказаў, што прадстаўнікі Украіны і Францыі працуюць у Жэневе, «і вельмі важна, каб быў практычны вынік і каб гэта набліжала Украіну і ўсю Еўропу да надзейнага міру і бяспекі».

«Каардынуем пазіцыі, і важна, што ёсць дыялог, дыпламатыя актывізавана, разлічваем, што партнёры пачуюць нашы аргументы», – дадаў ён.

Кіраўнік дзяржавы асобна сказаў, што ўдзячны «за ўсё, што Амерыка і прэзідэнт Трамп робяць дзеля бяспекі, і захоўваем максімальную канструктыўнасць».

Раней прэзідэнт ЗША Дональд Трамп раскрытыкаваў украінскія ўлады і свайго папярэдніка Джо Байдэна за тое, што яны дапусцілі поўнамаштабны напад Расіі на Украіну.