«Сволачы! Ідзіце прэч!»: Пажылы жыхар Купянска выгнаў акупантаў з пад'езда

• 10.12.2025, 11:57

Мужчына адкрыта заявіў расійскім вайскоўцам, каб тыя забіраліся з горада.

Пажылы мужчына лаяе акупанта, які стаіць каля пад'езда шматпавярхоўкі: «Сволачы! Ідзіце прэч і няма чаго сюды прыходзіць! За сваёй Расіяй сачыце».

На Купянскім напрамку мясцовы жыхар шчыра выказаў расійскім акупантам сваё стаўленне да іх прысутнасці і да разбурэнняў, якія яны прынеслі на ўкраінскую зямлю.

Як паведамляе «Цензор.НЕТ», мужчына паказаў захопнікам дарогу і заклікаў іх неадкладна забірацца з тэрыторыі горада.

У адказ на з'яўленне расійскіх вайскоўцаў мужчына эмацыйна заявіў:

«Украінскія салдаты з Жытомірскай вобласці кармілі мяне шакаладам, паштэтамі і каўбасой. А вы, сволачы, ідзіце прэч! І няма чаго сюды прыходзіць, за сваёй Расіяй сачыце, каб яна квітнела!»

Яго словы сталі сімвалам стаўлення мясцовых жыхароў да акупацыйных войскаў, якія прынеслі на Харкаўшчыну вайну, разбурэнні і смерць.