ЗША і Вялікабрытанія рыхтуюць новую эру супрацоўніцтва

• 14.09.2025, 8:13

Што стаіць за рэвалюцыйным пагадненнем?

ЗША і Вялікабрытанія падпішуць «рэвалюцыйнае» тэхналагічнае пагадненне падчас візіту прэзідэнта ЗША Дональда Трампа у Лондан.

Пра гэта паведамляе Bloomberg

На наступным тыдні ў Лондане прымуць з афіцыйным візітам Дональда Трампа. Гэта будзе яго другі дзяржаўны візіт у Вялікабрытанію, і ён працягнецца тры дні.

Вядома, што Трампа будзе суправаджаць дэлегацыя топ-менеджараў амерыканскіх тэхналагічных кампаній, сярод якіх — кіраўнік Nvidia Джэнсен Хуанг і кіраўнік OpenAI Сэм Альтман.

Яны, паводле крыніц, плануюць абвясціць пра шматмільярдныя інвестыцыі ў брытанскія дата-цэнтры. Падобныя намеры мае і CoreWeave — амерыканская кампанія па воблачных вылічэннях, якая сёлета выйшла на біржу.

Да візіту таксама далучыцца кіраўнік BlackRock Лары Фінк. Яго кампанія плануе інвеставаць да 500 мільёнаў фунтаў стэрлінгаў (678 мільёнаў долараў) у развіццё інфраструктуры апрацоўкі дадзеных у Брытаніі.

Так, паводле дадзеных Міністэрства навукі, інавацый і тэхналогій Вялікабрытаніі, падчас візіту Трампа будзе заключана «навацыйнае тэхналагічнае пагадненне». Дакумент, падрабязнасці якога пакуль не раскрываюцца, павінен надаць магутны імпульс бізнесу і спажыўцам па абодвух баках Атлантыкі.

«Перадавыя тэхналогіі, такія як штучны інтэлект і квантавыя вылічэнні, зменяць наша жыццё — ад лячэння захворванняў да паляпшэння дзяржаўных паслуг», — заявіла міністр тэхналогій Ліз Кендал, якая нядаўна заняла гэтую пасаду.