Беспілотнікі паразілі адзін з найбуйнейшых нафтаперапрацоўчых заводаў РФ

• 14.09.2025, 8:30

Прадпрыемства палае.

У ноч на 14 верасня ўдарныя дроны атакавалі Кірышынскі нафтаперапрацоўчы завод, размешчаны ў Ленінградскай вобласці Расіі.

«Ленінградская вобл. ударныя БПЛА паразілі Кірышынскі НПЗ», — гаворыцца ў паведамленні тэлеграм-канала «Exilenova+», які апублікаваў відэа, на якіх бачны пажар, што ўспыхнуў на прадпрыемстве пасля атакі дронаў.

Губернатар Ленінградскай вобласці Аляксандр Драздзенка у палове чацвёртай ночы паведаміў, што ў Кірышынскім раёне збілі адзін беспілотнік, а пасля пятай раніцы ўдакладніў, што ў раёне Кірышоў знішчаны ўжо 3 БПЛА.

«Загаранне на тэрыторыі завода КИНЕФ, якое адбылося з-за падзення абломкаў беспілотніка, ліквідавана», — напісаў Драздзенка.

Паводле яго слоў, пацярпелых у выніку атакі няма.

Адзначым, што Кірышынскі НПЗ уваходзіць у дзясятку найбуйнейшых нафтаперапрацоўчых заводаў Расіі: яго магутнасць — больш за 20 млн тон нафты на год.