«Сітуацыя ў беларускай эканоміцы — швах»

• 14.09.2025, 16:56

У рэжыму велізарныя праблемы.

Пра гэта галоўная рэдактарка сайта Charter97.org Наталля Радзіна расказала ў інтэрв’ю YouTube-каналу вядомага журналіста Яўгена Кіселёва:

— Эканоміка ў Беларусі развальваецца. Апошнія навіны, пра якія мне паведамілі крыніцы ў Беларусі: сітуацыя ў эканоміцы — швах. Дарэчы, турмы цяпер запоўненыя і дырэктарамі прадпрыемстваў, і чыноўнікамі. Шмат сядзіць і суддзяў, і пракурораў, і міліцыянераў. Усім, асабліва сілавікам і чыноўнікам, інкрымінуюць артыкул «здрада Радзіме».

Гэта, па сутнасці, 37-ы год. Рэпрэсіі ідуць супраць усіх слаёў насельніцтва. Пра што гэта сведчыць? Пра страх рэжыму, пра яго няўпэўненасць у сабе, пра разуменне таго, што супраць яго ўсё грамадства. А на эканоміку вельмі моцна ўплываюць санкцыі. Бо асноўным экспартным артыкулам гэтага рэжыму былі нафтапрадукты, якія ішлі ва Украіну і на Захад. Цяпер гэтых рынкаў няма.

«Беларуськалій» — абсалютны банкрут. Бо страчаныя рынкі збыту. У Бразілію ідзе калій з Канады, у Кітай і Індыю — расійскі. Партоў для транспарціроўкі беларускага калію няма. Раней увесь калій ішоў у літоўскую Клайпеду. У Усць-Лугу асабліва і не пускаюць беларусаў, бо яны канкурэнты для Расіі на сусветных рынках. Як мне паведамілі былыя работнікі «Беларуськалія», сітуацыя плачэўная.

Плюс састарваецца абсталяванне, якое немагчыма набыць на Захадзе. Кітайскае абсталяванне, напрыклад тыя ж буравыя ўстаноўкі, па якасці не параўнальнае з нямецкім. І таму сёння гарадаўтваральнае прадпрыемства, якое спансавала велізарную колькасць сацыяльных праектаў у Беларусі, у тым ліку прапагандысцкія мерапрыемствы самога Лукашэнкі, сёння банкрут. Гэта значыць, што санкцыі працуюць. І трэба працягваць ціск на рэжым.