У Лепельскім раёне з балота выцягвалі пенсіянерку

• 14.09.2025, 17:49

Яна правяла там больш за суткі.

77-гадовую жыхарку вёскі Кветча шукалі больш за суткі. Балотістая мясцовасць істотна ўскладніла выратавальную аперацыю.

Як паведамляе МНС, сігнал пра знікненне паступіў 12 верасня: суседка жанчыны набрала 101, калі заўважыла, што тая не вярнулася з паходу па грыбы.

Да пошукаў адразу ж далучыліся ратавальнікі. Спачатку ім удавалася падтрымліваць сувязь з пенсіянеркай па тэлефоне, але неўзабаве яна перарвалася. Балотістая мясцовасць істотна ўскладніла аперацыю.

Увечары 13 верасня жанчыну адшукалі ў лесе. Нягледзячы на тое, што яна правяла на холадзе і ў сырасці больш за суткі, здароўю пенсіянеркі нічога не пагражае, медыцынская дапамога ёй не спатрэбілася.