«Лукашэнка ў разгубленасці, чыноўнікі абмяркоўваюць яго слабасць»

• 12.01.2026, 13:04

Дыктатар затаіўся.

Крыніцы Telegram-канала «Беларуская выведка» паведамляюць пра небачаную дэпрэсію, якая накрыла штаб Лукашэнкі:

— Лукашэнка ў разгубленасці і спрабуе адгадаць настрой Пуціна, хоча быць карысным. Вось у чым прычына. Стрымліванне прарасійскай пятай калоны, вызваленне палітвязняў, перамовы з «ворагамі з ЗША», арышт Мадуры, навіслая праблема Кубы і рэвалюцыя ў Іране наклаліся на непрыхаваную незадаволенасць Крамля.

Лукашэнка затаіўся і залез пад карч, бо рускія пачалі падаваць недвухсэнсоўныя сігналы з намёкам, што ён зноў загуляўся.

Паводле нашых звестак, неўзабаве адбудзецца кадравая зачыстка асноўных дзеючых асоб рэпрэсій, распачатых у 2020 годзе. Падлягаюць «пераходам на іншую працу» некалькі генералаў сілавога блока. Пераназначэнні пачнуцца ў найбліжэйшы час.

Прычына — Лукашэнка незадаволены «размоўкамі» ўнутры сістэмы з абмеркаваннем яго слабасцяў.