Пад Бабруйскам казуля пагрэлася ў кабіне трактара

• 13.01.2026, 15:18

Фотафакт.

Незвычайная сустрэча нядаўна адбылася ў работнікаў Любоніцкага лясніцтва ў Магілёўскай вобласці. Падчас расчысткі дарог пасля моцных снегападаў каля пасёлка Крапіўка Бабруйскага раёна з лесу да людзей выйшла казуля. Звычайна асцярожная і баязлівая жывёла на дзіва смела падышла да людзей і нават пагадзілася на фотасесію — проста ў кабіне трактара.

«Адразу стала зразумела, што звяр галодны. Пакармілі хлебчыкам. І высветлілася, што казуля нават не супраць пагрэцца ў кабіне», — расказалі ляснічыя раённай газеце «Кіравец». У пацвярджанне яны апублікавалі здымкі: на фота казуля ўтульна ўладкавалася ў кабіне службовага трактара «Беларус».