Гэта вельмі важная гісторыя

• Аббас Галлямаў
• 17.01.2026, 20:07

Падаецца, што аяталы ўжо не давяраюць сваім сілавікам.

Паводле дадзеных крыніц Iran International, большасць забойстваў падчас падаўлення масавых пратэстаў у Іране здзяйснялі не іранскія сілавікі, а тэрмінова завезеныя ў краіну баявікі з праіранскіх шыіцкіх груповак — у прыватнасці тых, што цяпер дзейнічаюць у Іраку, а раней выкарыстоўваліся для падтрымкі рэжыму Асада ў Сірыі і для вядзення баявых дзеянняў супраць ІДІЛ.

Асноўную масу байцоў гэтых груповак складаюць арабы, а таксама прадстаўнікі розных народнасцяў, што пражываюць у Афганістане і Пакістане. З мясцовых па людзях у асноўным стралялі прадстаўнікі «Кудс» — падраздзялення КВІР, адказнага за замежныя аперацыі — напрыклад, у Ліване, Сірыі, Емене, Іраку і г. д., — то бок таксама людзі, якія гадамі жывуць за мяжой і максімальна адарваныя ад іранскіх рэалій.

Падаецца, што аяталы ўжо не давяраюць сваім сілавікам — ні паліцыі, ні арміі.

Гэта вельмі важная гісторыя. Фактычна рэжым ператварыўся ў замежную акупацыйную ўладу. Ён прыгнятае персаў з дапамогай прадстаўнікоў іншых нацыянальнасцяў. Калі ўсё насамрэч было менавіта так, то супраць уладаў цяпер будзе працаваць яшчэ і фактар патрыятызму.

Аббас Галлямаў, Telegram