Польшча накіравала ў Кіеў 400 генератараў

• 22.01.2026, 8:33

Сталіца Украіны ў выніку расійскіх абстрэлаў па энергетыцы пачала жыць у вельмі экстрэмальных умовах.

Кіеў і грамады вакол сталіцы Украіны атрымаюць ад Польшчы 400 генератараў розных тыпаў. Яны ўжо ў дарозе.

Пра гэта заявіў часовы павераны ў справах Польшчы ва Украіне Пётр Лукашэвіч у сацсетцы X.

«Шаноўныя кіеўцы і жыхары грамад вакол Кіева! Да вас з Польшчы едуць 400 генератараў розных тыпаў з дзяржаўных запасаў. Польшча дапамагае», — напісаў ён.

Кіеў у выніку расійскіх абстрэлаў па энергетыцы, якія адбыліся 9, 13 і 20 студзеня, пачаў жыць у вельмі экстрэмальных умовах.

Цяпер у сталіцы Украіны і дагэтуль дзейнічаюць аварыйныя адключэнні святла, ёсць праблемы з вадой і цяплом. У прыватнасці, пасля апошняга ўдару без ацяплення былі тысячы дамоў пры марозе −15°С.