У генсека НАТА з’явілася пытанне да Пуціна

• 22.01.2026, 14:29

Марк Рютэ заявіў пра «праверку» расійскага дыктатара.

Генеральны сакратар НАТА Марк Рютэ заявіў, што цяпер правяраецца гатоўнасць расійскага дыктатара Уладзіміра Пуціна заключыць мірнае пагадненне па Украіне.

Пра гэта Рютэ заявіў на Сусветным эканамічным форуме ў Давосе, паведамляе Bloomberg.

Рютэ адхіліў ідэю, што прэзідэнт Украіны Уладзімір Зяленскі з’яўляецца галоўнай перашкодай для мірнага пагаднення з Расіяй.

«Я не думаю, што гэта справядліва. Зяленскі цалкам хоча заключыць пагадненне. Пытанне цяпер, вядома, да Пуціна. Ці гатовы ён заключыць пагадненне. І гэта цяпер правяраецца», — сказаў Рютэ.