У Давосе пачалася сустрэча Зяленскага і Трампа

• 22.01.2026, 16:05

Перад гэтым прэзідэнт ЗША зрабіў важную заяву.

Сёння, 22 студзеня, у Давосе пачалася сустрэча прэзідэнта Украіны Уладзіміра Зяленскага і лідара ЗША Дональда Трампа.

Пра гэта паведамляе РБК-Украіна са спасылкай на каментар прэс-сакратара прэзідэнта Украіны Сяргея Нікіфарава журналістам.

Незадоўга да сустрэчы Трамп распавёў журналісту Sky News пра «набліжэнне» да мірнага пагаднення па вайне ва Украіне.

«Сёння, як вы ведаеце, прэзідэнт (Зяленскі, - рэд.) і я будзем абмяркоўваць гэта пытанне. Мы сустракаемся з прэзідэнтам Пуціным сёння або заўтра, таму людзі едуць туды, і я думаю, што яны набліжаюцца да пагаднення. Шмат людзей гіне. Мы павінны гэта зрабіць», - сказаў Трамп.