«Зусім не як у рэкламе»: беларус паказаў, як кітайскі электракар страсвае з сябе снег

• 24.01.2026, 16:53

Відэафакт.

Кітайскія вытворцы ў рэкламе сваіх аўтамабіляў часта выкарыстоўваюць эфектныя трукі. Напрыклад, як танцуючы Yangwang U7 страсвае з сябе снег. Аўтаўладальнікі з Беларусі паказалі, што рэальнасць заўважна адрозніваецца ад рэкламнай карцінкі, — паведамляе аutogrodno.by.

Yangwang U7 — электрамабіль прэміум-класа ад кітайскай кампаніі BYD Auto, выпускаецца пад асобным брэндам Yangwang з 2024 года. Прамымі канкурэнтамі BYD Yangwang U7 можна лічыць Mercedes-Benz EQS і Tesla Model S Plaid. Аўтамабіль абсталяваны чатырма электрарухавікамі магутнасцю па 326 к.с. кожны. Агульная магутнасць складае 1306 к.с., што дазваляе разганяцца да 100 км/г за 2,9 секунды і развіваць максімальную хуткасць да 270 км/г.

Галоўная асаблівасць электрамабіля — унікальная актыўная падвеска Yunnian-Z. У рэкламным роліку вытворца паказаў, што дзякуючы сваёй падвесцы Yangwang U7 можа скідваць з сябе снег. У арыгінале гэта выглядае так:

Аўтаўладальнік Yangwang U7 з Беларусі вырашыў праверыць функцыю ў справе і зняў на відэа працэс ачысткі ад снегу:

Ролік з Мінска хутка з’явіўся на папулярных аўтамабільных каналах і сабраў сотні тысяч праглядаў.

Каментатары не ўтрымаліся ад жартаў:

— Галоўнае, што ні адна сняжынка не пацярпела, — смяецца Марыя.

— «Жыгулі» на халастых абаротах мацней трасуцца, — напісаў Марк.

— А я думала, што нічога мілея за Яндэкс-робатаў не ўбачу, — усміхаецца Вольга.

— Функцыя працуе як гадзіннік… кітайскі, — іранізуе Андрэй.