Вашынгтон не выключае новы сілавы сцэнар у Венесуэле

• 28.01.2026, 11:57

ЗША патрабуюць максімальнага супрацоўніцтва ад часовага ўрада.

Дзяржаўны сакратар Марка Рубіа заявіў, што адміністрацыя амерыканскага прэзідэнта Дональда Трампа гатовая ўжыць сілу, каб забяспечыць максімальна магчымае супрацоўніцтва з боку часовага прэзідэнта Венесуэлы Дэльсі Радрыгес.

Пра гэта ён сказаў у сваёй прамове, падрыхтаванай для выступлення на слуханнях у сераду, 28 студзеня, цытуе Bloomberg.

Гэтыя слуханні з'яўляюцца першым публічным выступленнем Рубіа перад Кангрэсам пасля аперацыі ЗША ў Каракасе, якая прывяла да затрымання яе папярэдніка Нікаласа Мадуры 3 студзеня.