У Мінску на два дні абмежавалі рух усіх транспартных сродкаў

• 1.10.2026, 8:46

ДАІ апублікавала карты.

У сувязі з правядзеннем мерапрыемстваў у Мінску магчыма ўвядзенне кароткачасовых абмежаванняў руху ўсіх відаў транспартных сродкаў 1 і 2 кастрычніка. Пра гэта паведамляе сталічная ДАІ.

1 кастрычніка абмежаванні могуць уводзіцца:

з 8.00 да 14.00 па праспектах Незалежнасці і Пераможцаў, а таксама па вуліцах Янкі Купалы і Леніна;

з 15.00 да 23.00 па праспектах Машэрава і Пераможцаў, па вуліцах Янкі Купалы, Старажоўскай, Паўліны Мядзёлкі і Нарачанскай, а таксама па МКАДзе.

2 кастрычніка:

з 10.00 да 18.00 па праспектах Машэрава, Пераможцаў і Незалежнасці, а таксама па вуліцах Янкі Купалы і Старажоўскай.

«Таксама 1 і 2 кастрычніка магчыма кароткачасовае абмежаванне руху ўсіх відаў транспартных сродкаў на іншых участках вулічна-дарожнай сеткі», — папярэдзілі ў ДАІ і папрасілі ўлічваць гэту інфармацыю і загадзя планаваць свой маршрут.