Узброеныя Сілы Украіны пашкодзілі важны энергавузел расійскіх акупантаў у Крыме

• 1.10.2026, 10:32

Авіяўдар адбыўся неўзабаве пасля паўночы.

У ноч на 1 кастрычніка Сілы абароны Украіны атаквалі расійскія стратэгічныя аб’екты ў акупаваным Крыме. Пашкоджана электрападстанцыя ў пасёлку Ніжнегорскі, піша Дыялог.UA пасля аналізу сацыяльных сетак.

Авіяўдар па электрападстанцыі ў пасёлку Ніжнегорскі на паўночным усходзе Крыму 1 кастрычніка адбыўся неўзабаве пасля паўночы. На пэўны час частка гэтага населенага пункта засталася без святла. Відэа публікуе Telegram-канал «Крымскі вецер».

Магутнасць трансфарматараў электрападстанцыі ПС 110/35/10 кВ «Ніжнегорская» складае 50 МВА. Яна размеркоўвае электраэнергію для Ніжнегорскага раёна, у якім размешчана некалькі ваенных і стратэгічных аб’ектаў расійскіх акупантаў. Напрыклад, у гэтым раёне ёсць буйная нафтабаза. Яна забяспечвае палівам і гаруча-змазачнымі матэрыяламі акупацыйную армію РФ.

Нагадаем, з ліпеня бягучага года Сілы беспілотных сістэм Узброеных Сіл Украіны праводзяць аперацыю «Крымскі рубільнік off», каб пазбавіць расійскіх акупантаў электраэнергіі. За гэты час Сілы беспілотных сістэм адпрацавалі па 412 энергаўзлах ворага. Было пашкоджана 9 газаразмеркавальных станцый у анексаваным Крыме, 9 электрападстанцый на часова акупаванай тэрыторыі Данецкай вобласці, 12 электрападстанцый на часова акупаванай тэрыторыі Луганскай вобласці і інш.