У ваколіцах Віцебска вясковец ударыў чыноўніка бейсбольнай бітай

• 1.10.2026, 13:51

Сын гаспадара хаты адрэагаваў на прыезд спецыяльнай камісіі.

У адной з вёсак у ваколіцах Віцебска да 76-гадовага мужчыны прыехала камісія чыноўнікаў. Да іх выйшаў 47-гадовы сын гаспадара хаты і пачаў пагражаць бейсбольнай бітай, паведаміла абласнае дзяржаўнае выданне «Віцебскія весці».

У верасні да 76-гадовага жыхара вёскі пад Віцебскам прыехала камісія, якая, згодна з планам, абследавала ўмовы пражывання пажылых грамадзян. На яе візіт адрэагаваў 47-гадовы сын гаспадара хаты.

Ён выйшаў да чыноўнікаў з бейсбольнай бітай і, як паведамляецца, пачаў пагражаць старшыні сельвыканкама, які ўваходзіў у склад камісіі.

«Мужчына выказаў у адрас службовай асобы пагрозы і прымяніў фізічны гвалт, выкарыстоўваючы ў якасці зброі бейсбольную біту. Злачынныя дзеянні фігуранта выявіліся ў спробе нанясення і нанясенні аднаго ўдару бітай па тулаве пацярпелага», — распавёў пракурор Віцебскага раёна Ігар Лісоўскі.

Мужчыне пагражае да сямі гадоў пазбаўлення волі.