«Гэта называюць парадоксам»: што адбываецца на рынку нерухомасці ў Мінску
- 1.10.2026, 14:24
Людзі масава не могуць змірыцца з коштамі.
У Мінску ўзнік дэфіцыт пэўнага жылля — хрушчовак і старых панэлак, гэта значыць самага таннага сегмента. «А „інвестыцыйныя“ кватэры ў новых дамах, гэты свежы бетон без аздаблення альбо з ім, людзі не пацягваюць», — адзначае экспертка па рынку нерухомасці Наталля Літоўская.
«Гэтае становішча называюць парадоксам: і крэдыты танныя, і даходы падраслі, а здзелак — як у крызісныя гады. Іншага тлумачэння парадоксу, акрамя „настроевага“, няма. Уладальнікі спадчынных хрушчовак уверыліся ў іх каштоўнасці і не хочуць прадаваць без крайняй патрэбы. Людзі, якія хочуць палепшыць жыллёвыя ўмовы, прадаўшы маленькую старую кватэру, не жадаюць дакрэдытоўвацца пры такім узроўні коштаў».
Пры гэтым патэнцыйныя пакупнікі не спяшаюцца купляць квадратныя метры па коштах, што падскочылі.
«Людзі масава не гатовыя змірыцца з тым, што „двушка“ ў старой панэлцы, са „стомленым“ рамонтам, якая яшчэ тры гады таму каштавала 60–70 тысяч, цяпер прапануецца за 110. І што „еўрадвушка“, якая на пачатку будаўніцтва абышлася камусьці ў 65–70 тысяч, цяпер прадаецца за 120–125 тысяч», — дадае экспертка.
На яе думку, «не хачу пераплачваць» — галоўны аргумент тых, хто паставіў пошук або продаж сваёй «лішняй» кватэры на паўзу.
«І гэта, падаецца, прынцыповая пазіцыя. Аргумент, што кошты пачнуць зніжацца, калі крэдыты падаражэюць, і даходы ў валюце таксама прасядуць, і паляпшаць жыллёвыя ўмовы не стане прасцей, — не працуе, — лічыць Наталля Літоўская. — Сітуацыя з цяперашнім узроўнем коштаў у свядомасці масавага прадаўца і пакупніка — ненармальная. А ва ўсіх незразумелых сітуацыях самая правераная і бяспечная мадэль паводзін — затаіцца і перачакаць. Захоўваючы тое, што нажыта непасільнай працай».
Экспертка не бярэцца прагназаваць, «як доўга прадаўцы „ніжняга“ сегмента будуць у стане чакання і што яны палічаць „нармалізацыяй“ і сігналам да выхаду на рынак».
«Думала, што яшчэ больш танныя крэдыты дапамогуць. Але вось яны ёсць, а актывізацыя пакупнікоў не фіксуецца. А вось масавая ўпэўненасць, што прадавай цяпер — заўтра цэны рухнуць, — спрацаваць можа. У апошнія дні ў сацсетках ужо пачаліся ўбросы. Але пакуль — ад грамадзян, якія не ўплываюць на масавую свядомасць. Тыя, хто ўплывае, сабе ўбросаў не дазваляюць», — рэзюмавала экспертка.