Іран уразіў Пуціна «вялікай лаўкай запасных» у сваім кіраўніцтве

• 1.10.2026, 21:27

Дыктатар РФ публічна падтрымаў рэжым аятолаў.

Іран уразіў увесь свет стойкасцю і мужнасцю свайго народа і «вялікай лаўкай запасных» у сваім кіраўніцтве. Пра гэта заявіў дыктатар РФ Уладзімір Пуцін у сваім выступленні на пленарнай сесіі клуба «Валдай».

«Вядома, увесь свет уважліва сочыць за тым, што адбываецца, і захапляецца мужнасцю і гераізмам іранскага народа і яго стойкасцю, а таксама вялікай «лаўкай запасных» найвышэйшага ўзроўню», — выказаў упэўненасць расійскі дыктатар.

Ён асабліва адзначыў, што сярод іранскага кіраўніцтва на ўсіх узроўнях — і ў дзяржаўным кіраванні, і ў войску, і ў Корпусе вартавых ісламскай рэвалюцыі (КВІР) — налічваецца мноства людзей, «гатовых да самаахвярнасці дзеля свайго народа».